Aðgerðaáætlun Akureyrarbæjar gegn kynbundnu ofbeldi og ofbeldi gegn börnum

Akureyrarbær er fyrsta sveitarfélag landsins til að samþykkja aðgerðaáætlun gegn kynbundnu ofbeldi og ofbeldi gegn börnum en áætlunin hlaut samþykki bæjarstjórnar þann 27. apríl sl. Gerð áætlunarinnar er liður í jafnréttisstefnu Akureyrarbæjar en í áætluninni eru sett fram eftirfarandi markmið og útfærslur á þeim:

• Að stuðla að markvissum forvörnum sem snúa að börnum og fullorðnum til að koma í veg 
   fyrir ofbeldi á heimilum og kynferðislegt ofbeldi.
• Að tryggja að nærþjónusta við þolendur sé skilvirk og ljóst hvert skuli leita aðstoðar.
• Að styrkja starfsfólk stofnana í því að þekkja einkenni ofbeldis, greiningu og rétt viðbrögð.
• Að efla úrræði fyrir þolendur ofbeldis, gera þau sýnilegri og aðgengilegri.
• Að tryggja að þjónustuaðilar innan sveitarfélagsins hafi gott samstarf sín á milli.
• Að styrkja meðferðarúrræði fyrir gerendur.

Aðgerðaáætlunin hefur verið í vinnslu síðastliðið ár og lögð var áhersla á að aðilar í félagsþjónustu bæjarins auk sérfræðinga kæmu að gerð hennar. Í aðgerðaáætluninni er lögð mikil áhersla á fræðslu til starfsfólks bæjarins og gerð fræðsluefnis auk þess að kortleggja þessi mál innan bæjarkerfisins.

Aðgerðaáætlunina má nálgast hér