Fjörutíu ára afmæli Kvennafrídagsins

19.10.2015

Laugardaginn 24. október boða Zontakonur á Akureyri í samstarfi við Jafnréttisstofu, Akureyrarbæ og Minjasafnið á Akureyri til afmælisdagskrár í tilefni af fjörutíu ára afmælis Kvennafrídagsins. Dagskráin hefst kl. 11:30 við Aðalstræti 6 þar sem Vilhelmína Lever kaus fyrst íslenskra kvenna.Valgerður Sverrisdóttir, Zontakona flytur ávarp og Kvennakór Akureyrar tekur lagið.

Boðið verður upp á hressingu í Zontahúsinu þar sem Sigríður Stefánsdóttir, jafnréttisfulltrúi Akureyrarbæjar flytur ávarp. Þar má einnig sjá hluta af sýningunni Hvað er svona merkilegt við það? - Störf kvenna í 100 ár.

Minjasafnið á Akureyri býður upp á leiðsögn um sýningarnar Ertu tilbúin, frú forseti? og Akureyri bærinn við Pollinn með augum Vilhelmínu Lever.


Klukkan 17:00 standa síðan norðlenskar tónlistarkonur fyrir tónleikum í Akureyrarkirkju í tilefni fjörutíu ára afmælis Kvennafrídagsins. 








Dagskráin hefst við Aðalstræti 6

11:30Vilhelmínu Lever minnst við Aðalstræti 6 þar sem hún kaus fyrst íslenskra kvenna 
Valgerður Sverrisdóttir Zontakona flytur ávarp.
Kvennakór Akureyrar syngur söngva í tilefni dagsins.

12:00Hádegishressing og hópefli í Zontahúsinu.
Sigríður Stefánsdóttir jafnréttisfulltrúi Akureyrarbæjar flytur ávarp og saga Kvennafrídagsins rifjuð
upp.
Hluti af sýningunni Hvað er svona merkilegt við það? - Störf kvenna í 100 ár í boði
Þjóðminjasafnsins. 

12:00Sýning í Nonnahúsi um Sigríði móður Nonna en Vilhelmína bjó í Nonnahúsi um tíma. Minjasafnið á Akureyri opnar.

13:00Leiðsögn um sýninguna Ertu tilbúin, frú forseti? í boði Minjasafnsins á Akureyri.

14:00Leiðsögn um sýninguna Akureyri bærinn við Pollinn með augum Vilhelmínu Lever í boði Minjasafnsins á Akureyri.

17:00Norðlenskar tónlistarkonur í samstarfi við KÍTÓN halda tónleika í Akureyrarkirkju í tilefni afmælisins. 


Til baka