Jafnréttisáætlun Evrópusambandsins auglýsir styrki

Um er að ræða styrki til samstarfsverkefna - Community Programme on Gender Equality (2001-2005) Umsóknarfrestur er til 15. apríl 2005. Jafnréttisáætlun Evrópusambandsins styrkir samstarfsverkefni sem miða að auknu jafnrétti kynjanna í Evrópu. Í ár fá þau verkefni forgang sem lúta að hlutverki karla í vinnu að auknu jafnrétti kynjanna, og þá sérstaklega hlutverki karla og feðra hvað varðar samhæfingu vinnu og einkalífs.

Umsækjendur um verkefni (project promoters) geta verið stéttarfélög, samtök vinnuveitenda, frjáls félagasamtök sem vinna á evrópskum skala, fjölþjóðleg samtök sveitarfélaga og fjölþjóðleg samtök sem vinna að jafnrétti kynjanna. Fjölþjóðleg samtök eru skilgreind sem samstarf a.m.k. þriggja landa innan EES.

Þátttakendur í verkefni (project partners) geta verið ríkisstofnanir, sveitarfélög, stofnanir sem vinna að jafnrétti kynjanna, frjáls félagasamtök, stéttarfélög, samtök vinnuveitenda, háskólar og rannsóknarstofnanir og fjölmiðlar.

Samstarfsaðilar verða að koma frá a.m.k. þremur löndum innan EES. Aðilar frá Búlgaríu og Rúmeníu geta einnig tekið þátt í verkefnum.

Jafnréttisáætlun ESB styrkir að jafnaði 80% af heildarkostnaði verkefna.

Nánari upplýsingar er hægt að nálgast hér.

Jafnréttisstofa veitir einnig upplýsingar um Jafnréttisáætlun ESB