Stofnfundur Félags kvenna í vísindum

Jafnréttisstofa vill vekja athygli á stofnun nýs félags. Stofnfundur Félags kvenna í vísindum fer fram þann 11. febrúar 2016 kl. 17 í Tjarnarsal Íslenskrar Erfðagreiningar, Sturlugötu 8.

Félagið er hugsað sem vettvangur fyrir konur í vísindum til að hittast, mynda og efla tengsl sín á milli. Þá er sérstaklega verið að horfa til þess félagið geti stuðlað að því að konur í vísindum myndi sterk og varanleg stuðnings- og tengslanet en skortur á þeim er talin vera ein af orsökum kynjahalla í vísindum. Allar konur sem stunda rannsóknir á öllum fræðasviðum eða koma að vísindavinnu í einhverri mynd eru velkomnar, hvort sem þær vinna innan veggja háskólanna, í rannsókna-stofnunum, akademíum eða úti í fyrirtækjum.Dagskrá:

17.00 Kosning fundarstjóra
17.05 Konur í vísindum, er þörf á félagi? - Þorgerður Einarsdóttir prófessor í kynjafræði
17.20 Reynsla Félags kvenna í atvinnulífinu FKA af samtökunum - Þórdís Lóa Þórhallsdóttir formaður FKA
17.30 Stofnun félagsins Konur í tónlist Kítón – Védís Hervör Árnadóttir formaður Kítón og Lára Rúnarsdóttir varaformaður Kítón
17.40 Markmið félagsins - umræður
18.00 Kosning bráðabirgðastjórnar
18.10 Fyrirhugaður aðalfundur


Nánari upplýsingar veita: 
Auður Magnúsdóttir, audur.77@gmail.com, s. 6641806
Þorgerður Einarsdóttir, thorgerdur9@gmail.com, síma 6596725