Grænt bókhald fyrir árið 2022

Jafnréttisstofa heldur Grænt bókhald í samræmi við Græn skref fyrir ríkisstofnanir og hefur árlega skilað því til Umhverfisstofnunar fyrir árin 2019-2022.

Græna bókhaldið tekur til þeirra þátta sem hafa hve mest umhverfisáhrif í daglegum rekstri:

• Samgöngur
• Úrgangur
• Orkunotkun
• Matarsóun
• Pappírsnotkun
• Efnanotkun

Niðurstöður úr Grænu bókhaldi Jafnréttisstofu fyrir árið 2022 liggja fyrir og helstu niðurstöður er þessar:

Losun CO2 var 1,4 tonn. Það er að mestu leyti vegna flugsamgangna (um 1 tonn), aðrir þættir eru akstur, rafmagn og úrgangur. Þetta er örlítil bæting frá árinu 2021 þegar heildarlosun var 1,6 tonn.

Hlutfall umhverfisvottaðra vara og þjónustu er 100% (skrifstofupappír, ræstiþjónusta, ræsti- og hreinsiefni). Það er sami árangur og náðst hefur undanfarin ár.

Hlutfall endurvinnslu var 84%. Árangur hefur verið svipaður síðustu ár en hefur sveiflast á bilinu 89-94%

Samkvæmt umhverfis- og loftslagsstefnu Jafnréttisstofu verður unnið enn frekar að því að draga úr losun gróðurhúsalofttegunda, t.d. með því að kolefnisjafna flug og velja umhverfisvænni bílakosti.