Jafnréttisstofa óskar samkynhneigðum til hamingju

Í dag ganga í gildi lög sem leiðrétta réttarstöðu samkynhneigðra á Íslandi. Samkynhneigðir hafa um nokkurt skeið verið eini hópurinn sem íslensk lög mismuna.
Með tilkomu nýju laganna er búið að tryggja lagalegt jafnrétti allra þeirra ólíkra hópa sem til eru í Íslensku samfélagi. Með þessu skipar ísland sér í fremstu röð ríkja hvað varðar mannréttindi samkynhneigðra.

Samkvæmt lögum geta samkynhneigð pör nú fengið sambúð sína skráða í þjóðskrá eins og gagnkynhneigð pör. Þar með munu samkynhneigðir njóta sömu réttinda og lúta sömu skyldum og gagnkynhneigðir hvað varðar almannatryggingar, lífeyrismál, skattamál, erfðamál og fjölmargt fleira, að því gefnu að þessi pör skrái sig í óvígða sambúð á Hagstofu. Þá verða skilyrði fyrir stofnun staðfestrar samvistar rýmkuð, og m.a. er ekki lengur krafist fastrar búsetu á Íslandi þegar íslenskir ríkisborgarar eiga í hlut.

Í tilefni að þessu standa Samtökin ?78 að hátíðarsamkomu í Listasafni Reykjavíkur. Nánari upplýsingar er að finna á heimsíðu þeirra.