Nám í hagnýtri jafnréttisfræði við Háskóla Íslands

Diplómanám í hagnýtri jafnréttisfræði veitir nemendum hagnýta þekkingu til starfa að jafnréttismálum. Námið er 30 einingar og hægt að stunda með vinnu. Hluti námsins er bæði stað- og fjarkenndur svo fólki á landsbyggðinni gefst kostur á að nýta sér það. Samþætting kynja- og jafnréttissjónarmiða er lögboðin á Íslandi og sjónarhorn kynjajafnréttis á að flétta inn í stefnumótun og ákvarðanir á öllum sviðum samfélagsins. Í náminu er veittur hagnýtur undirbúningur fyrir þetta og önnur verkefni að jafnréttismálum. Þannig má tryggja að jafnréttislög verði ekki dauður lagabókstafur heldur lifandi verkfæri.Námskeiðið „Frá bróðurparti til systkinalags: Hagnýting jafnréttisfræða“ er kennt á vormisseri 2011. Það er 10 einingar [ECTS], stað- og fjarkennt. Nemendur vinna hagnýt verkefni sem veita þjálfun í samþættingu. Dæmi um verkefni sem unnin hafa verið í námskeiðinu eru m.a.: 
    • Samþætting í skólastarfi. 
    • Samþætting á hafi úti: Eiga konur möguleika á að stunda sjómennsku? 
    • Bak við lás og slá: Vistun kven- og karlfanga á Íslandi. 
    • Samþætting kynjasjónarmiða í skipulagsmálum á Íslandi. 
    • Heima er best: Samþætting í heimaþjónustu sveitar-félaga.

Umsóknarfrestur er til 30. nóvember 2010. Aðgangskröfur eru BA-, BS-próf eða sambærilegt próf. Hægt er að skrá sig rafrænt: https://ugla.hi.is/umsoknir/. Nánari upplýsingar gefur Þorgerður Einarsdóttir, einarsd(hjá)hi.is. Ennfremur á heimasíðu Stjórnmálafræðideildar, í síma 525-4573/5445, og á netfanginu stjornmal(hjá)hi.is.