Námskeið fyrir umsækjendur um jafnlaunastaðfestingu komið á netið

Opnað hefur verið fyrir skráningu á námskeið fyrir umsækjendur um jafnlaunastaðfestingu.

Á námskeiðinu er farið yfir grunnatriði til að uppfylla skilyrði þess að öðlast jafnlaunastaðfestingu. Farið er yfir kröfur um gagnaskil, innihald gagnanna og mat Jafnréttisstofu á gögnunum. Sérstök áhersla er lögð á starfaflokkun og launagreiningu.

Námskeiðin fara fram í gegnum Teams og verða annan hvern fimmtudag frá og með 5. september nk.

Skráning og nánari upplýsingar má finna í viðburðadagatalinu okkar hér.