Fréttir

Héraðsskjalasafnið á Akureyri boðar til hádegisfyrirlestrar í Héraðsskjalasafni/Amtsbókasafni, Brekkugötu 17, föstudaginn 10. apríl kl. 12:00 – 13:00. Þar mun Svanhildar Bogadóttur borgarskjalavörður í Reykjavík fjalla um mikilvægi þess að varðveita einkaskjöl kvenna til jafns við karla. Einnig verða til sýnis nokkur skjöl kvenna sem varðveitt eru á Héraðsskjalasafninu á Akureyri og munu skjalaverðir í stuttu máli gera þeim skil og segja frá því hvað safnið hefur að geyma. Veitingasala er á staðnum. Súpa, heimabakað brauð og kaffi á kr. 1000.

Á morgun, laugardaginn 28. mars, verður opnuð listasýningin MENN í Hafnarborg. Sýningin beinir sjónum að stöðu karla við upphaf 21. aldar og þeim breytingum sem orðið hafa högum þeirra.  Verkin sem valin hafa verið til sýningar eru unnin í fjölbreytta miðla bæði video-verk, ljósmyndir, málverk, teikningar og útsaumsverk. Í verkunum takast listamennirnir á við spurningar um stöðu karla innan fjölskyldu hvað varðar hugmyndir um þátttöku í heimilislífi, ábyrgð á afkomu og uppeldi barna.

Kristín Ástgeirsdóttir, framkvæmdastýra Jafnréttisstofu flytur erindið „Ég veit enga ambátt um veraldar geim, sem ekki var borin með réttindum þeim ”, miðvikudaginn 25. mars. Á þessu ári verða liðin 100 ár frá því að íslenskar konur 40 ára og eldri fengu kosningarétt til Alþingis. Það gekk ekki þrautalaust. Baráttan fyrir kosningarétti hafði staðið í áratugi þegar Danakonungur undirritaði lögin með þessum takmörkuðu réttindum 19. júní 1915. Karlar fengu almennt kosningarétt 25 ára nema hvað fátækum vinnumönnum var bætt við 1915 með sömu skilyrðum og konunum. Hvenær hófst réttindabarátta kvenna hér á landi, fyrir hverju var barist, hverjir studdu baráttuna og í hverju fólst andstaðan? Hvaða konur voru í fararbroddi og hvaða aðferðum var beitt í kvenréttindabaráttunni? Hefur Ísland sérstöðu þegar horft er á baráttu kvenna fyrir mannréttindum? Hvað gerðist svo eftir 1915?

Út er kominn bæklingurinn Ofbeldi gegn fötluðum konum. Bæklingurinn var unnin í tengslum við rannsókn á aðgengi fatlaðra kvenna að stuðningsúrræðum vegna ofbeldis. Rannsóknir hafa sýnt að fatlaðar konur eru miklu oftar beittar ofbeldi en fatlaðir karlar. Þær verða líka oftar fyrir ofbeldi en ófatlaðar konur. 

Stjórnendur hjá Akureyrarbæ ásamt nefndarformönnum, kjörnum fulltrúum og bæjarstjóra sátu síðastliðinn föstudag fræðslu um samþættingu kynjasjónarmiða í starfsemi og þjónustu sveitarfélagsins. Dagurinn var sérstaklega skipulagður til að miðla þekkingu um árangur verkefna sem horft hafa til jafnréttissjónarmiða við fjárveitingu og þjónustu, ásamt því að kynna markmið kynjaðrar hagstjórnar.

Sunnudaginn 8. mars var Alþjóðlegur baráttudagur kvenna. Í tilefni dagsins boðuðu Zontaklúbbarnir á Akureyri og Jafnréttisstofa til hádegisfundar í menningarhúsinu Hofi á Akureyri. Fundurinn bar yfirskriftina Ofbeldi á heimilum – áhrif á börn Erindi fluttu Björg Guðrún Gísladóttir höfundur bókarinnar Hljóðin í nóttinni, Guðrún Kristinsdóttir ritstjóri bókarinnar Ofbeldi á heimili, Halla Bergþóra Björnsdóttir Lögreglustjóri Norðurlandi eystra og Áskell Örn Kárason forstöðumaður barnaverndar í Eyjafirði. Í kölfar erinda og umræðna voru ályktanir fundarins ræddar og samþykktar.

Sunnudaginn 8. mars er alþjóðlegur baráttudagur kvenna. Í tilefni dagsins boða Zontaklúbbarnir á Akureyri og Jafnréttisstofa til hádegisfundar í menningarhúsinu Hofi á Akureyri. Fundurinn, sem ber yfirskriftina Ofbeldi á heimilum – áhrif á börn,  hefst klukkan 11:30 með léttum veitingum, - formleg dagskrá hefst klukkan 12:00. Erindi flytja Björg Guðrún Gísladóttir höfundur bókarinnar Hljóðin í nóttinni, Guðrún Kristinsdóttir ritstjóri bókarinnar Ofbeldi á heimili, Halla Bergþóra Björnsdóttir Lögreglustjóri Norðurlandi eystra og Áskell Örn Kárason forstöðumaður barnaverndar í Eyjafirði. Í lokin verður pallborð og umræður. Allir eru hjartanlega velkomnir, aðgangseyrir er enginn en frjáls framlög vel þegin. ---- Sjá nánar hér

Í tilefni af alþjóðlegum baráttudegi kvenna bjóða Alþýðusamband Íslands, BHM, BSRB, Kennarasamband Íslands, Jafnréttisstofa og Jafnréttisráð til hádegisverðarfundar mánudaginn 9. mars 2015 þar sem fjallað verður um samræmingu fjölskyldu- og atvinnulífs. Fundurinn verður haldinn á Grand Hótel Reykjavík kl. 11:45 til 13:00. Erindi á fundinum: Ragnheiður Eyjólfsdóttir, verkefnastjóri hjá Miðstöð símenntunar á Suðurnesjum. - Vinna Íslendingar of mikið? Ingólfur V. Gíslason, lektor í félagsfræði við HÍ. - Rjúkandi rúst? Fæðingarorlof í hruni og endurreisn Þóra Kristín Þórsdóttir, doktorsnemi í félagsfræði. - Samspil heimilis og vinnu meðal íslenskra hjóna

Eiríkur Björn Björgvinsson bæjarstjóri á Akureyri og Halla Bergþóra Björnsdóttir lögreglustjóri Norðurlands eystra, undirrituðu í dag, samstarfsyfirlýsingu um átak gegn heimilisofbeldi. Í yfirlýsingunni felst að þann 1. mars n.k. mun lögreglan og félagsþjónustan á Akureyri taka upp nýjar verklagsreglur í starfsemi sinni. Markmiðin eru markvissari viðbrögð og úrræði gegn heimilisofbeldi og bætt þjónustu við þolendur og gerendur. 

Rúmlega þrjátíu manns frá fjölmörgum félagasamtökum mættu á vel heppnaðan vinnufund í tilefni tuttugu ára afmælis Peking áætlunarinnar. Til umræðu voru kaflarnir tólf í áætluninni, auk málefna minnihlutahópa, kynvitund og kynhneigð. Unnið var í fimm 8 – 10 manna hópum þar sem þátttakendur ræddu hvað helst vantaði inn í Peking áætlunina miðað við þróunina síðustu tuttugu ára og hvað brýnast væri að gera. Farnar voru þrjár umferðir og skiptu þátttakendur um borð og viðfangsefni milli umferða.