Fréttir

Svíþjóð fer með formennskuna í Norrænu ráðherranefndinni árið 2018. Í yfir 40 ár hafa Norðurlöndin átt samstarf um jafnréttismál en löndin eiga öll sína sérstöðu þegar kemur að jafnréttismálum sem þau telja mikilvægt að deila hvert með öðru.

Fimmtudaginn 18. janúar kl. 17:00-17:50 flytur Magnea Marinósdóttir alþjóðastjórnmálafræðingur erindi um stöðu og réttindi kvenna á þeim átakasvæðum sem hún hefur starfað sl. sjö ár fyrir alþjóðastofnanir og –samtök í Afganistan, á Balkanskaga og nú síðast í Palestínu og Ísrael.

Boðið er upp á ítarlegt tveggja daga námskeið um kynferðisofbeldi gegn konum, með sérstaka áherslu á hvað karlar geta gert til að berjast gegn því.

Jafnréttisstofa vill vekja athygli á fundinum Áreitni á vinnustöðum, NEI TAKK! sem haldinn verður á Grand hótel Reykjavík fimmtudaginn 11.janúar frá kl. 8.00-10.30.

Starfsfólk Jafnréttisstofu óskar öllum landsmönnum gleðilegra jóla og heillaríks komandi árs.

Þann 1. janúar 2018 taka gildi lög nr. 56/2017 um breytingu á lögum um jafna stöðu og jafnan rétt kvenna og karla, nr. 10/2008. Breytingin á við um 19. grein laganna sem fjallar um launajafnrétti.

Hvarvetna í heiminum er nú mikil vakning um hverskonar kynbundið ofbeldi og áreitni undir millumerkinu #metoo. Vakningunni er ætlað að draga ofbeldið fram í dagsljósið og breyta menningu samfélaga á þann hátt að kynbundið ofbeldi og áreitni verði ekki lengur liðin.

Velferðarráðuneytið vill vekja athygli á því að ný reglugerð um vottun á jafnlaunakerfum á grundvelli staðalsins ÍST 85 var birt á vef stjórnartíðinda í síðustu viku og hefur fengið númerið 1030/2017.

Jafnréttisstofa vill vekja athygli á hvatningu stjórnar Sambands íslenskra sveitarfélaga til sveitarstjórna landsins til að ræða leiðir gegn kynferðisofbeldi og –áreitni í stjórnmálum og á vinnustöðum sveitarfélaga.

Fundur um samvinnu gegn heimilisofbeldi á Norðurlandi eystra mánudaginn 4. desember frá kl. 10:00 til 12:00. Fundurinn sem er öllum opinn er haldinn á Jafnréttisstofu í anddyri Borga við Norðurslóð (háa húsið við hliðina á Háskólanum á Akureyri). Fundarstjóri er Katrín Björg Ríkarðsdóttir, framkvæmdastjóri Jafnréttisstofu.